ghavan recipe in marathi | घावण कसे करावे ? | ghavan recipe

घावणे हा पदार्थ मालवणात अतिशय लोकप्रिय आहे. मऊ लुसलुशीत आणि जाळीदार असे हे घावणे नाष्ट्याला किंवा जेवताना सुद्धा खाल्ले जातात.
घावणे दोन प्रकारे केले जातात. रात्री तांदूळ भिजवून सकाळी वाटून त्याचे घावणे बनवायचे किंवा तांदूळ धुऊन सुकवून त्याचे पीठ बनवून केले जातात.

साहित्य :

• १ कप तांदळाचे पीठ (पीठ मध्यम रवाळ, सरसरीत असावे फार बारीक दळू नये. )
• १+१/४ कप पाणी  (थोडेफार कमी – जास्त पाणी लागेल.)
• चवीनुसार मीठ 
• तेल 

Read More : recipe for dhokla in marathi | ढोकळा रेसिपी

कृती :

१) तांदुळाचे पीठ, पाणी आणि मीठ एका भांड्यात मिक्स करावे. गुठळ्या राहणार नाहीत याची काळजी घ्यावी. (ghavan recipe)

२) नॉन – स्टीक डोसा तवा किंवा भिडयाला नारळाच्या किशिने किंवा कांदयाने  तेल लावून घ्यावे. त्यावर तयार मिश्रण वाटीने गोल पसरवून घ्यावे.

३) झाकण ठेवून बारिक गॅसवर घावन शिजू द्यावे . २-३ मिनिटांनी घावन झाला की आजूबाजूने चमच्याच्या किंवा सुरीच्या टोकाने घावन  उलटून पुन्हा १-२ मिनिटे शिजू द्यावा. 

४) गरम गरम  घावणे  नारळाच्या चटणी सोबत किंवा बटाट्याच्या पिवळ्या भाजीसोबत सर्व्ह करावे.

५) तसेच गरम गरम  घावणे तुम्ही चहासोबत सुध्दा खाऊ शकता.

Read More : misal pav recipe in marathi | मिसळ पाव रेसिपी

टीप –

• जाडा तांदूळ धुऊन सावलीत वाळत घाला आणि दळून आणा. त्यामुळे घावणे मऊ हलके आणि पांढरे शुभ्र होतील आणि बिघडण्याची शक्यता कमी होईल .

• घावण्यासाठी पीठ ताजेच घ्या जुन्या पिठाचे घावणे करताना तुटतात. (ghavan recipe in marathi).