” नमस्कार inMarathi मध्ये तुमचे स्वागत आहे . आज तुम्हाला ह्या रेसीपी मध्ये स्वादिष्ट मिसळ कशी करायची याची संपूर्ण रेसीपी दिली आहे.मला आशा आहे कि हि रेसीपी तुम्हाला नक्की आवडेल.
Misal Pav Recipe In Marathi हा महाराष्ट्रातील एक प्रसिद्ध खाद्यपदार्थ आहे. मोड आलेले कडधान्य आणि भाज्या सारख्या सर्व निरोगी घटकांचा वापर केला जातो. त्यामध्ये फायबर, प्रोटीन आणि खनिज चांगल्या प्रमाणात असतात जे तुम्हाला निरोगी ठेवतात. ब्रेक फास्ट किंवा स्नॅक्ससाठी तुम्ही ही रेसिपी देऊ शकता.
तर झणझणीत kolhapuri misal recipe in marathi कशी तयार करायची याची संपूर्ण रेसीपी सोप्या पद्धती मध्ये देणाच्या प्रयत्न केला आहे ज्या मुळे तुमची मिसळ उत्तम होईल.
मिसळ पाव रेसीपी मराठी मध्ये साहित्य आणि कृती खालीलप्रमाणे :-
साहित्य :
- १ वाटी मटकी
- १ बटाटा
- तळण्यासाठी तेल
- १ कांदा
- १ टोमॅटो
- गरम मसाला
- फरसाण
- पोहे कुरमुर्याचा चिवडा
- कोथिंबीर
- लिंबू
- ब्रेडचे स्लाईस
कट बनवण्यासाठी साहित्य :
- ३-४ लसूण पाकळ्या
- १ इंच आले
- २-३ मिरी
- १ लहान काडी दालचिनी
- २-३ लवंगा
- १ तमालपत्र
- १ चमचा जिरेपूड
- १ चमचा धनेपूड
- अर्धी वाटी खवलेला ओला नारळ
- १ मध्यम कांदा
- २ मध्यम टोमॅटो
- ४-५ लहान चमचे लाल तिखट
- फोडणीसाठी तेल
- आमसुल किंवा चिंच
- मीठ
कृती:
१) मटकी १०-१२ तास कोमट पाण्यात भिजत घालावे. त्यात जर कडक मटकी आणि खडे असतील तर ते काढून टाकावे. सुती कपड्यात बांधून मोड काढावेत.
२) मटकीला मोड आले कि कट बनवून घ्यावा. त्याचवेळी मटकी कूकरमध्ये २ शिट्ट्या करून शिजवून घ्यावी.
३) कट बनवण्यासाठी लसूण पाकळ्या, आले, मिर्या, दालचिनी, लवंगा, तमालपत्र, जिरेपूड,धनेपूड मिक्सरवर जेवढे बारीक होईल तेवढे बारीक करून घ्यावे.
४) कढईत ४-५ चमचे तेल गरम करावे. त्यात मिक्सरमधून काढलेला मसाला घालून खमंग परतावा. मसाल्याचा छान गंध सुटला कि त्यात १ कांद्याच्या आणि २ टोमॅटोच्या मोठ्या फोडी घालून परतत रहावे. सर्वात शेवटी खवलेला नारळ घालून परतावा. मिश्रणाला तेल सुटले आणि कांदा शिजला कि गॅस बंद करून बाजूला काढून थंड करावे. मिश्रण थंड झाले कि त्यात १ भांडे पाणी घालून मिक्सरवर पातळ पेस्ट करून घ्यावी.
५) नंतर मटकीची उसळ बनवून घ्यावी. पातेल्यात २-३ चमचे तेल गरम करावे. त्यात मोहोरी, हिंग, हळद घालून शिजवलेली मटकी घालावी. थोडे पाणी घालावे, १-२ चमचा गरम मसाला घालावा. बारीक गॅसवर उसळ उकळत असताना दुसर्या गॅसवर लहान कढईत अगदी थोडे बटाट्याचे तुकडे तळण्यापुरते तेल गरम करावे (साधारण अर्धी वाटी). (बटाटे तळल्यावर ७-८ चमचे तेल उरले कि त्यातच कट बनवता येतो.)
६) १ बटाटा सोलून त्याचे लहान चौकोनी तुकडे करावे, आणि मध्यम आचेवर बटाटे व्यवस्थित तळून घ्यावे, कच्चे राहू देऊ नये. तळलेले बटाट्याचे तुकडे उसळीत टाकावेत. चवीपुरते मिठ घालावे.
७) लहान कढई खालचा गॅस बारीक करून उरलेल्या तेलात हळद, हिंग, ४-५ चमचे लाल तिखट घालून तयार केलेली मसाल्याची पातळ पेस्ट घालावी. मीठ घालावे. आंबटपणासाठी २-३ आमसुल किंवा थोडा चिंचेचा कोळ घालावा. आवश्यकतेनुसार पाणी घालून १ उकळी काढावी.
८) उसळ आणि कट तयार झाला कि कांदा आणि टोमॅटो बारीक चिरून घ्यावा.
९) नंतर डिशमध्ये १ पळी उसळ घालावी. त्यावर १ पळी कट घालावा. त्यावर चिवडा, फरसाण, कांदा, टोमॅटो घालावे. लिंबू पिळून तयार मिसळ पाव किवां स्लाईस ब्रेडबरोबर खावी.
टीप:
१) ओला नारळ उपलब्ध नसेल किसलेला सुका नारळसुद्धा वापरू शकतो.
२) ज्यांना तळलेले बटाटे नको असतील त्यांनी शिजवलेले बटाटे घातले तरी चालते. तळलेले बटाटे उसळीत फुटत नाहीत, शिजलेले बटाटे मिसळीत फुटून मिसळ घट्ट होऊ शकते.
तर नक्की करुन पहा आणि जर तुम्हाला Misal Pav Recipe आवडली असेल तर नक्की कमेंट करा. अशाच इतर नवनवीन पाककला तुमच्या जवळ असतील असतील तर आम्हाला कळवा. व InMarathi.in ला नक्की भेट घ्या .